| "Vragmotorkaping" deur CHARL DURAND [boodskap #16093] |
Thu, 09 July 1998 00:00 |
G.B.
Boodskappe: 2173
Geregistreer: May 1997
Karma: 0
|
Senior Lid |
|
|
VRAGMOTORKAPING
Charl Durand
welkom in my hemel, broer,
ek hoor jy's nog jonk, ja
ongevalle vra g'n velkleur of volk
welkom in die scrapyard van wonderwerke
kyk maar rond
waar was my engel
toe ek struikel langs die N1
wie't die sneller getrek
wat my rugwerwels spleet
want daar was niemand om te skree spring
toe die koeël kom
nou lê ek hier langs jou, broer,
'n skilpad omgekeer op sy dop
waarom praat god so lank
op sy selfoon
wanneer gaan hy verduidelik
wie wen,
en wie verloor
want vrydag was ek nog 'n drywer
van 'n international met 'n vrag op
nou sien jy my langs jou lê, broer,
'n skilpad omgekeer op sy dop
nou-nou kom die nurse met die naald
en my vrou
-- die baas 't haar opgevlieg uit die kaap
Maar ek is nie hier nie
ek tel die sterre wat opkom
want 'n man moet iets kry om te doen, broer,
as jy 'n skilpad is, vir altyd omgekeer op jou dop.
*********
johannesburg, 9 julie 1998
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
